ABŞ Suriyanın Dəməşq şəhərindəki aviabazada öz hərbi kontingentini yerləşdirməyə hazırlaşır.
Oxu.Az xəbər verir ki, bu barədə məlumatı "Reuters" agentliyi yayıb.
Bildirilir ki, Vaşinqton Suriya və İsrail arasında təhlükəsizlik paktının bağlanması məsələsində vasitəçi rolunda çıxış edir.
"ABŞ təhlükəsizlik paktının reallaşdırılmasına dəstək məqsədi ilə Dəməşqdəki aviabazada hərbi kontinentini yerləşdirməyə hazırlaşır", - deyə nəşr yazır.
Xəbər verildiyi kimi, Suriya Prezidenti Əhməd əş-Şaraa noyabrın 10-da Vaşinqtona səfər edəcək və Prezident Donald Trampla görüşəcək. Bundan sonra ABŞ-nin vasitəçiliyi ilə İsrail və Suriya arasında birbaşa danışıqların beşinci raundu gözlənilir.
