ABŞ Prezidenti Donald Trampın Suriya Prezidenti Əhməd əş-Şaraa ilə görüşü ərəfəsində BMT Təhlükəsizlik Şurasına keçid dövrü liderinə qarşı sanksiyaları ləğv edən qətnamə layihəsi təqdim edib.
Oxu.Az xəbər verir ki, bu barədə məlumatı "Reuters" agentliyi yayıb.
Bildirilir ki, qətnamə layihəsi Suriyanın daxili işlər naziri Ənəs Xəttabın üzərindən də sanksiyaların götürülməsini nəzərdə tutur.
Layihənin səsverməyə nə vaxt çıxarılacağı hələlik məlum deyil. Üstəlik, layihənin qəbul edilməsi üçün onun lehinə ən azı doqquz səs verilməli, Rusiya, Çin, ABŞ, Fransa və Böyük Britaniya tərəfindən veto qoyulmamalıdır.
Əhməd əş-Şaraanın ABŞ-yə səfəri barədə məlumat noyabrın əvvəlində yayılıb. Bildirilib ki, Suriya 1946-cı ildə müstəqilliyini əldə edəndən sonra bu, Suriya prezidentinin Amerika paytaxtına ilk səfəri olacaq.
Səfərə hazırlıq fonunda Almaniya Kansleri Fridrix Merts də suriyalı qaçqınların repatriasiyası məsələlərinin müzakirə edilməsi üçün Suriya prezidentini Almaniyaya dəvət edib.
