ABŞ hələlik İranın nüvə obyektlərinə zərbə endirməkdən çəkinir

ABŞ Hərbi Hava Qüvvələrinə məxsus "B-2" strateji bombardmançı təyyarələrinin Hind okeanındakı Dieqo Qarsiya adasından çıxarılması fonunda Birləşmiş Ştatların İranın nüvə obyektlərinə hərbi zərbə endirməsi perspektivi hazırda real görünmür.

Bu barədə məlumatı "Azad İran" "Telegram" kanalı peyk görüntülərinə istinadən yayıb.

Kadrlara əsasən, altı ədəd "B-2" bombardmançı təyyarəsi ötən həftənin sonunda Hind okeanında, İrandan təxminən 5 min kilometr məsafədə yerləşən Dieqo Qarsiya hərbi bazasını tərk edərək ABŞ-nin Missuri ştatında yerləşən Uaytman Hərbi Hava Qüvvələri bazasına geri qayıdıb.

Məlumata görə, bu strateji qırıcılar Tramp Administrasiyası dövründə İranı danışıqlara cəlb etmək və yeni nüvə sazişi əldə etmək məqsədilə bölgəyə yerləşdirilmişdi.