Funt sterlinq 31 illik minimuma qədər ucuzlaşdı.
Oxu.Az xəbər verir ki, bu barədə “Global Markets”in eksperti Ceymi Çişolmaya istinadən “Financial Times” məlumat yayıb.
Belə ki, Bakı vaxtı ilə saat 11:42 (London vaxtı ilə saat 8:42) funt sterlinqin məzənnəsi 1,27 dollara qədər 0,5% enib, bu isə 1985-ci ildən ən aşağı göstəricidir.
“Bloomberg”in məlumatına görə, bu, investorların Britaniyanın “Brexit”dən sonra gözləyən ağır nəticələrdən narahat olduqları üçün baş verir.
Britaniya Aİ-dən çıxmağa səs veridyi gündən (23 iyun) funt sterlinq dollara nisbətən 14% ucuzlaşıb.
Həmçinin, bazarda Britaniya fondunun FTSE 100 indeksinin çökməsi gözlənilir, bu indeks 16 ay ərzində ilk dəfə 7000 bənd yüksəlmişdi.
N.O.
www.oxu.az
