Suriyanın paytaxtı Dəməşq şəhərində baş verən güclü partlayış nəticəsində azı 18 nəfər yaralanıb.
Oxu.Az xəbər verir ki, bu barədə Suriyanın SANA dövlət xəbər agentliyi məlumat yayıb.
Məlumata görə, xəsarət alanların hamısı dərhal xəstəxanaya yerləşdirilib. Suriya Müdafiə Nazirliyi isə insident nəticəsində bir hərbçinin həlak olduğunu açıqlayıb.
Bildirilib ki, hadisə Köhnə Dəməşqin şərqində yerləşən Bab Şərqi rayonunda qeydə alınıb. Belə ki, əraziyə yerləşdirilmiş minalanmış avtomobil partladılıb. Hüquq-mühafizə orqanları dərhal hadisə yerini mühasirəyə alıblar.
Daha əvvəl "Al Watan" qəzeti yazmışdı ki, partlayış mühəndis-istehkam qruplarının zərərsizləşdirməyə çalışdığı partlayıcı qurğunun qəfil detonasiyası (partlaması) nəticəsində baş verib. Lakin hərbi qurum bu iddiaya aydınlıq gətirərək bildirib ki, Müdafiə Nazirliyinin binalarından birinin yaxınlığında aşkarlanaraq zərərsizləşdirilən mina ilə sözügedən terror hadisəsi arasında heç bir əlaqə yoxdur.
Suriya paytaxtı Dəməşqdə silah istehsalı üzrə mərkəzin yaxınlığında avtomobil partlayıb.
Oxu.Az-ın xəbərinə görə, bu barədə Suriya KİV məlumat verir.
Bildirilir ki, partlayış nəticəsində bir nəfər ölüb.
"Dəməşqdə partlayış səsi eşidilib və onun təbiəti araşdırılır", - deyə SANA rəsmi xəbər agentliyi bildirib.
Suriya Silahlı Qüvvələrindəki mənbə bildirib ki, partlayıcı qurğu avtomobilə yerləşdirilib və Suriya paytaxtındakı silahların idarəedilməsi mərkəzinin əsas qapısının yaxınlığında partlayıb.
Mülki Müdafiə Nazirliyindəki mənbə partlayış nəticəsində bir nəfərin öldüyünü qeyd edib.
