Dövlət Bağçalının sağlamlıq vəziyyəti necədir? - MHP-nin sədr müavinindən açıqlama

Milliyyətçi Hərəkat Partiyasının (MHP) sədr müavini İzzet Ulvi Yönter partiya sədri Dövlət Bağçalının səhhəti ilə bağlı açıqlama verib.

Bu barədə Oxu.Az "Haber Global"a istinadən xəbər verir.

Yönter Dövlət Bağçalı ilə telefonla danışdığını və ondan təlimatlar aldığını bildirib.

O, açıqlamasında MHP sədrinin səhhətinə dair ortaya atılan böhtanların yalan və uydurma olduğunu qeyd edib.

Yönter Bağçalının səhhətinin yaxşı olduğunu vurğulayıb. Həmçinin neqativ yöndə yayılan xəbərləri hədəf aldığını və bu yalanları yayanlarla qısa zamanda görüşəcəyini də deyib.