Ekvadorun Maçala şəhərindəki həbsxanada baş verən qiyam və iğtişaşda ölənlərin sayı 31 nəfərə çatıb.
Oxu.Az xəbər verir ki, bu barədə SNAI xidməti məlumat yayıb.
Bildirilir ki, insident nəticəsində daha 34 nəfər xəsarət alıb. Məlumata görə, milli polisin taktiki bölmələri hazırda həbsxanada vəziyyətə nəzarət edir.
Qeyd edilir ki, həlak olan 27 məhbus asılmış vəziyyətdə tapılıb.
Hakimiyyət orqanları bildirirlər ki, iğtişaş bəzi məhbusların yeni həbsxanaya köçürülməsi səbəbindən başlayıb.
Ekvadorun Maçala şəhərindəki həbsxanada baş verən iğtişaşda ən azı beş məhbus ölüb, 33 nəfər yaralanıb.
Oxu.Az xəbər verir ki, bu barədə "Ecuavisa" televiziya kanalı məlumat yayıb.
Hakimiyyət orqanları bildirirlər ki, iğtişaş bəzi məhbusların yeni həbsxanaya köçürülməsi səbəbindən başlayıb.
Hadisə yerinə polis gəlib və cəzaçəkmə müəssisəsindəki vəziyyəti nəzarət altına alıb.
Xatırladaq ki, sentyabr ayında eyni həbsxanada iki dəstənin üzvləri arasında baş verən toqquşmalarda 14 nəfər həlak olub.
