Rusiya və ABŞ arasındakı danışıqlar başa çatdı

Rusiya və ABŞ nümayəndələrinin Ər-Riyad görüşü başa çatıb.

Oxu.Az xəbər verir ki, bu barədə TASS-a Rusiya nümayəndə heyətindəki mənbə məlumat verib.

Məlumata görə, məsləhətləşmələr 12 saatdan çox davam edib.

Qeyd olunur ki, danışıqların yekunlarına dair birgə bəyanat martın 25-də yayımlacaq.

Rusiya və ABŞ arasındakı danışıqlar başa çatdı

16:10

Rusiya və ABŞ nümayəndə heyətləri qısa fasilədən sonra Ər-Riyadda danışıqları davam etdiriblər.

Oxu.Az xəbər verir ki, bu barədə TASS agentliyinə Rusiya nümayəndə heyətinə yaxın mənbə bildirib.

"Danışıqlar bərpa olunub, tərəflər qısa nahar fasiləsindən sonra məsləhətləşmələri davam etdiriblər", - deyə agentliyin həmsöhbəti bildirib.

O, görüşün növbəti hissəsinin nə qədər davam edəcəyini açıqlamayıb.

15:08

Rusiya və ABŞ nümayəndə heyətləri Ər-Riyadda təqribən üçsaatlıq məsləhətləşmələrdən sonra fasiləyə ayrılıblar.

Bu barədə Oxu.Az TASS agentliyinə istinadla xəbər verir.

Tərəflər yaxın zamanda danışıqları davam etdirəcəklər.

Qeyd edək ki, Rusiya və ABŞ nümayəndələri arasında Ukrayna münaqişəsi üzrə danışıqlar bu gün səhər saatlarında başlayıb.

11:47

Rusiya və ABŞ nümayəndə heyətlərinin Ukrayna münaqişəsinin nizamlanması üzrə danışıqları Səudiyyə Ərəbistanının paytaxtı Ər-Riyadda başlayıb.

Bu barədə Oxu.Az TASS-a istinadla xəbər verir.

Görüş "The Ritz-Carlton" mehmanxanasında keçirilir. Səudiyyə Ərəbistanının Dövlət Təhlükəsizlik Xidmətinin əməkdaşları jurnalistlərdən hotelin ərazisini tərk etməyi xahiş ediblər. Görüş qapalı formatda keçiriləcək.

Qeyd edək ki, danışıqlarda Rusiya nümayəndə heyətinə Federasiya Şurasının Beynəlxalq məsələlər komitəsinin sədri Qriqori Karasin və Federal Təhlükəsizlik Xidməti direktorunun müşaviri Sergey Beseda başçılıq edirlər.

ABŞ nümayəndə heyətinin tərkibinə Dövlət Departamentinin siyasi planlaşdırma üzrə direktoru Maykl Enton, həmçinin Ukrayna üzrə xüsusi elçi Keyt Kelloqun və milli təhlükəsizlik üzrə müşavir Mayk Uoltsun köməkçiləri daxildirlər.