Ermənistan parlamentində müxalifətin çağırdığı növbədənkənar iclas baş tutmayıb

Ermənistan Milli Assambleyasının parlament müxalifətinin təşəbbüsü ilə keçirilən iclası baş tutmayıb.

Qeyd olunub ki, hakim "Mülki müqavilə" fraksiya deputatlarının əvvəllər söz verdiyi kimi, lazımi kvorumu təmin etməyib.

Xatırladaq ki, müxalifətin "Hayastan" və "Şərəfim var" blokları ötən həftə parlamentdə hökumətin istefası və yeni parlamentin formalaşdırılması ilə bağlı təklif səsləndiribdilər.

Mənbə: Ermənistan KİV

13:17

"Ermənistanın hakim Vətəndaş Müqaviləsi Partiyası bu gün keçiriləcək parlamentin növbədənkənar iclasında iştirak etməyəcək".

Bu açıqlama ilə Ermənistanın hakim partiyasının parlament fraksiyasının katibi Artur Ovannisyan çıxış edib.

A.Ovannisyan əlavə edib ki, iclas qanunun tələbi ilə çağırılacaq, lakin yetərsay olmadığına görə baş tutmayacaq.

Məlumat üçün əlavə edək ki, növbədənkənar iclasda baş nazir Nikol Paşinyanın istefası müzakirəyə çıxarılacaq.

Mənbə: "Sputnik" Ermənistan