Estoniya prezidenti Toomas Hendrik İlves “Sky News” telekanalının canlı efirində mikrofonunu çıxararaq, müsahibəsini yarımçıq kəsib. Buna səbəb aparıcının Dermot Myornaqanın iki dəfə prezidentin familyasını çəkməsi olub.
Oxu.Az xarici KİV-ə istinadən xəbər verir ki, aparıcı prezidentdən Ukraynadakı vəziyyətin fonunda Rusiya tərəfindən təhlükəni görüb-görməməsi barədə sualını verərkən onu İlves deyil, iki dəfə Hendrik adlandırıb (prezidentin ikinci adı).
“Sabahınız xeyir, prezident Hendrik” frazasından sonra İlves soyuq gülümsəyərək, aparıcını dinləməyib, eynək və mikrofonunu çıxararaq bildirib ki, onun adı düzgün deyilməyib. Daha sonra Estoniya prezidenti susub.
Bir neçə saniyədən sonra teleaparıcı üzr istəyib və qısa olaraq hava haqqında danışmağa qərar verib.
