Avropa Komissiyasının sədri Ursula fon der Lyayen ona qarşı etimadsızlıq səsverməsinin müzakirə olunduğu Avropa Parlamentinin iclasına qatılmayıb.
Oxu.Az-ın xəbərinə görə, bu barədə "Politico" nəşri məlumat verib.
Onun istefası ilə bağlı müzakirələr Strasburqda baş tutub, lakin fon der Lyayen iclasda iştirak etməmək qərarına gəlib və özünün yerinə Avropa Komissarı Maroş Şefçoviçi göndərib. O, boş oturacaqlar sırası qarşısında çıxış etmək məcburiyyətində qalıb, çünki əsas qərarları qəbul etməyən nümayəndə ilə dialoqa maraq minimal olub.
Brüsselin hazırkı kursunun tənqidçiləri əsas cavabdehin iştirak etməməsinə sərt reaksiya veriblər. Avropa Üçün Vətənpərvərlər Partiyasının birinci vitse-prezidenti Kinqa Qal bəyan edib ki, fon der Lyayen tərəfindən debatların görməzlikdən gəlinməsi seçicilərə qarşı hörmətsizlik əlamətidir.
