Pakistanın “F-16” qırıcısı Hindistan-Pakistan sərhədindən üç kilometr aralıda (Hindistan hava məkanında) cavab atəşi nəticəsində vurulub.
Bu barədə ANİ agentliyinin “Twitter” səhifəsində məlumat yayılıb.
Pilotun katapult edərək, paraşütü açdığı bildirilsə də, onun yeri və sağ olub-olmadığı barədə məlumat yoxdur.
ANİ agentliyinin məlumatına görə, hazırda gərginliklə əlaqədar Pakistanda beş hava limanı, o cümlədən, paytaxt İslamabadın beynəlxalq aeroportu bağlanıb, daxili və beynəlxalq hava reysləri təxirə salınıb.
Eyni zamanda, Hindistan tərəfi ölkənin şimalında hava məkanının bağlanması barədə analoji qərar verib. Amritsar aeroportunda mülki hava reyslərinin müvəqqəti olaraq dayandırıldığı bildirilir.
11:38
Hindistanın Hərbi Hava Qüvvələri Pakistana aid “F-16” qırıcısını vurub.
Bu barədə “The Times of İndia” məlumat yayıb.
Məlumata görə, hərbi təyyarəyə Hindistan hava məkanını pozduğuna görə atəş açılıb.
Xatırladaq ki, bundan bir müddət əvvəl Pakistan XİN analoji səbəbə görə iki Hindistan qırıcısının vurulduğunu bildirmişdi.
