Husilər Yəməndə BMT əməkdaşlarını saxladılar

Yəmənin şimalında hakim şiə "Ənsar Allah" (Husi) hərəkatının təhlükəsizlik qüvvələri beynəlxalq təşkilatların ən azı 15 əməkdaşını saxlayıblar.

Onların arasında BMT-nin doqquz, Milli Demokratiya İnstitutunun üç və yerli insan haqları qrupunun üç əməkdaşı var.

Yəmənin paytaxtı Səna və ölkənin şimalının böyük bir hissəsinə nəzarət edən husi qruplaşmasının kəşfiyyatçıları beynəlxalq təşkilatların əməkdaşlarının evlərinə və ofislərinə basqın edib, onların telefon və kompüterlərini ələ keçiriblər.

Məlumata görə, saxlanılan BMT əməkdaşları İnsan Hüquqları üzrə İdarədə və Humanitar Məsələlər İdarəsində çalışırlar.

Mənbə: news.ru