İranın xeyrinə casusluq etmiş keçmiş britaniyalı hərbçiyə hökm oxundu

Böyük Britaniyanın keçmiş hərbi qulluqçusu Deniel Xalif İranın xeyrinə casusluq etdiyinə görə, həbs cəzasına məhkum edilib.

Oxu.Az-ın TASS-a istinadən verdiyi xəbərə görə, London Rayon Kral Məhkəməsi onu 14 il, 3 ay müddətinə azadlıqdan məhrum edib.

İranlı kökləri olan 23 yaşlı D.Xalif Böyük Britaniyanın fəaliyyətdə olan hərbi qulluqçuları haqqında məxfi məlumat toplayaraq İrana ötürməkdə, habelə 2019-2022-ci illərdə terror aktının hazırlanması və törədilməsi üçün yararlı bağlı məlumatın toplanılmasında təqsirli bilinib.