Şimali Koreya Cənubi Koreya ilə sərhəddə təhlükəsizliyi gücləndirəcək.
Oxu.Az xəbər verir ki, bu barədə KCNA məlumat yayıb.
Xəbərdə bildirilir ki, Koreya Xalq Demokratik Respublikasının (KXDR) lideri Kim Çen Inın bacısı Kim Yo Çjon fevralın 19-da buna dair açıqlama verib.
"Koreya Respublikasının (Cənubi Koreya - red.) naziri Çunq Donq-yeonun ölkəmizin hava məkanına pilotsuz təyyarənin təxribatçı müdaxiləsini rəsmi olaraq etiraf etməsini yüksək qiymətləndirirəm" - deyə, Kim Yo Çjon qeyd edib.
O, əlavə edib ki, KXDR rəhbərliyi etibarlı təhlükəsizliyi təmin etmək üçün cənub sərhədi boyunca bütün sektorlarda sayıqlığı artıran addımlar atacaq.
Kim Yo Çjon bu tədbirlərin sərhəd bölgəsində təhlükəsizliyin, sabitliyin qorunmasına və insidentlərin təkrarlanmasının qarşısının alınmasına yönəldiyini vurğulayıb.
