Netanyahu: "İsrail yaxın günlərdə tam gücü ilə HƏMAS-a qarşı hərbi əməliyyata başlayacaq"

İsrailin Baş naziri Benyamin Netanyahu bildirib ki, yaxın günlərdə ölkəsi tam gücü ilə Qəzza zolağında hərbi əməliyyatları davam etdirəcək.

Oxu.Az-ın məlumatına görə, bu barədə hökumət başçısının ofisindən xəbər verilib.

"Əməliyyatı tamamlamaq - HƏMAS-ı məğlub etmək, məhv etmək deməkdir", - deyə Netanyahu qeyd edib.

Baş nazirin sözlərinə görə, hazırda İsrail qoşunları Qəzza zolağında yerləşir. O, həmçinin ehtimal edib ki, HƏMAS yaxın vaxtlarda daha 10 girovun azad edilməsinə razılıq verə bilər:

"Yaxşı, azad edin, biz onları qəbul edəcəyik, sonra isə əməliyyatı davam etdirəcəyik", - deyə hökumət başçısı bildirib.

Netanyahu vurğulayıb ki, İsrailin müharibəni tamamilə dayandırmaq kimi bir niyyəti yoxdur:

"Müəyyən müddətə atəşkəs ola bilər, lakin biz sona qədər gedəcəyik".