Qazaxıstan və Rusiya sərhədi yaxınlığında Almatı-Yekaterinburq avtomagistralında avtobus və yük maşınının iştirakı ilə qəza olub.
Oxu.Az-ın xəbərinə görə, bu barədə Kostanay vilayətinin polis idarəsindən məlumat verilib.
Məlumata görə, buraxılış məntəqəsindən iki kilometr aralıda baş verən qəza nəticəsində 6 nəfər ölüb, 5 nəfər yaralanıb.
Avtobusda 10 əcnəbi vətəndaş olub.
Hadisə ilə bağlı hüquq-mühafizə orqanları iki və daha çox şəxsin ölümünə səbəb olan nəqliyyat vasitələrinin idarə edilməsi qaydalarını pozma maddəsi ilə cinayət işi açıb. Hazırda hadisə yerində istintaq qrupu işləyir.
