Qüdsdə yerləşən körpələr evində 53 uşağın qazdan zəhərləndiyi iddia olunur.
Oxu.Az xəbər verir ki, bu barədə yerli mətbuat məlumat yayıb.
Məlumata görə, hadisə zamanı üç və dörd aylıq iki körpə yerli xəstəxanalarda ölüblər.
Yanğınsöndürmə və xilasetmə xidmətinin əməkdaşları hadisə yerində hər hansı təhlükəli maddə aşkar etmədiklərini bildiriblər. Müstəntiqlər ehtimal edirlər ki, hadisə istilik cihazından sızan qaz səbəbindən baş verə bilər.
Tibb işçiləri və polis hələlik iki körpənin ölüm səbəbini dəqiq müəyyən edə bilməyiblər.
Hüquq-mühafizə orqanlarının məlumatına görə, uşaq bağçasının üç müəllimi dindirilmək üçün saxlanılıb. Araşdırmalar davam etdirilir.
