Rusiyanın Moskva vilayətinin Dmitrovski şəhər dairəsində inanılmaz bir hadisə baş verib.
Yerli satıcı qadın bıçaqla silahlanmış oğru ilə, nəinki mübarizə apara bilib, hətta onu, sözün əsl mənasında, mağazadan qovub.
Oxu.Az-ın xəbərinə görə, bu barədə Gazeta.ru nəşri yazıb.
Mənbələrin bildirdiklərinə görə, cinayətkar Dedenevo qəsəbəsində yerləşən mağazanı soymağa cəhd edib. Bu zaman satıcı qadın özünü itirməyib və oğrunun əlindən bıçağı almağa müvəffəq olub, daha sonra isə adi süpürgə ilə onu qapıdan çölə qovub.
Hadisənin videogörüntüləri Rusiya Daxili İşlər Nazirliyinin Moskva vilayəti üzrə Baş İdarəsi tərəfindən yayımlanıb.
Rusiyada satıcı qadın yalın əllə silahlı oğrunu zərərsizləşdirib
