Meksikanın Xalisko ştatında davam edən iğtişaşlar səbəbindən Rusiya öz vətəndaşlarına bu regiona səyahətlərini təxirə salmağı tövsiyə edib.
Oxu.Az-ın xəbərinə görə, bu barədə Rusiyanın Meksikadakı səfirliyindən məlumat verilib.
"Rusiya vətəndaşlarından şəxsi təhlükəsizliklərini qorumaları, kütləvi toqquşma olan ərazilərdən uzaqlaşmağı, səbəb olmadan küçəyə çıxmamağa çağırırıq", - deyə bəyanatda bildirilib.
Qeyd edək ki, dünyanın ən güclü narkobaronlarından olan "Xalisko yeni nəsil" kartelinin "El Menço" ləqəbli liderinin zərərsizləşdirilməsindən sonra Meksikanın səkkiz ştatında iğtişaşlar başlayıb.
