Çin Zooparklar Assosiasiyasının qeydlərinə görə, Asiya filləri arasında ən uzunömürlü erkək fərd hesab edilən Bamo Şanxay zooparkında tələf olub. Onun 65 yaşı olduğu bildirilir.
Oxu.Az xəbər verir ki, bu barədə "China Daily" nəşri məlumat yayıb.
1961-ci ildə Myanmada dünyaya gələn Bamo 1967-ci ildə Çinə gətirilib, 1973-cü ildən etibarən isə Şanxayda məskunlaşıb. O, zooparkdakı fil bölməsinin əsl simvoluna çevrilərək şəhər sakinlərinin bir neçə nəslinin sevgisini qazanıb. Baxıcıları onu su ilə oynamayı xoşlayan, qırıq ağac budaqlarını sevimli qidaları olan qarğıdalı və qarpızla dəyişən son dərəcə ağıllı və şən heyvan kimi xatırlayırlar.
Yaşlandıqca Bamonun onurğasında əyilmə yaranıb, dişləri isə xarab olub. Heyvanın ömrünü uzatmaq məqsədilə zoopark rəhbərliyi yaşlı fillərə qulluq üçün xüsusi müasir sistem tətbiq edib. Onun qidası xırda hissələrə bölünərək heyvana daha tez-tez, lakin kiçik porsiyalarla verilirdi. Təhlükəsiz tibbi müayinələrin keçirilməsi üçün volyerlərdə xüsusi təlim divarları quraşdırılıb, su hovuzları yenilənib, qum təpəcikləri və yumşaq uzanma yerləri yaradılıb.
