İsrail Müdafiə Ordusu (SAXAL) Qəzza zolağına endirdiyi zərbə nəticəsində HƏMAS-ın silah istehsalına cavabdeh şəxslərindən birini və təşkilatın "Nuhba" xüsusi təyinatlı dəstəsinin üzvünü zərərsizləşdirdiyini açıqlayıb.
Oxu.Az xəbər verir ki, bu barədə ordunun mətbuat xidməti məlumat yayıb.
Bəyanata əsasən, Qəzzanın şimalına endirilən zərbə nəticəsində HƏMAS-ın silah istehsalı şöbəsinin rəhbəri Fares Əl-Masri öldürülüb. Bildirilir ki, o, atəşkəs razılaşmasını pozaraq HƏMAS-ın hərbi potensialını bərpa etmək məqsədilə silah istehsalını təşkil edirdi.
Bundan əlavə, HƏMAS-ın "Nuhba" xüsusi təyinatlı dəstəsinin üzvü Məhəmməd Əbu Şakanın da məhv edildiyi qeyd olunub.
SAXAL-ın məlumatına görə, öldürülən şəxslər son aylarda İsrail hərbçilərinə və mülki şəxslərə qarşı hücum planlarının hazırlanmasında iştirak ediblər.
