Serbiyanın Novi Sad şəhərində vağzal binasının beton talvarın uçması nəticəsində ölənlərin sayı 13-ə çatıb.
Oxu.Az "Tanjug" agentliyinə istinadən xəbər verir ki, bu barədə Serbiyanın daxili işlər naziri İvitsa Daçiç məlumat verib.
"Səkkiz qurbanımız olanda dağıntılar altında daha beş nəfərin olduğunu bilirdik, lakin onların sağ və ya ölü olduğunu müəyyən edə bilməmişdik", - Daçiç bildirib.
Hüquq-mühafizə orqanının rəhbəri xilasetmə əməliyyatında iştirak edən hər kəsə təşəkkür edib və həlak olanların şəxsiyyətinin müəyyənləşdirilməsinin davam etdiyini qeyd edib.
Serbiya hökuməti Novi Sad şəhərində dəmiryol vağzalının beton talvarının uçması nəticəsində 11 nəfərin ölümü ilə əlaqədar 2 noyabr tarixini milli matəm günü elan edib.
Oxu.Az xəbər verir ki, bu barədə TASS məlumat yayıb.
"Serbiya Respublikası hökuməti şəhərin və bütün respublikanın sakinlərinə təsir edən faciənin miqyasını nəzərə alaraq, Novi Sadda dəmiryol vağzalında konstruksiyanın uçması nəticəsində faciəli şəkildə həlak olanların xatirəsinə 2024-cü il 2 noyabr tarixini Serbiya ərazisində matəm günü elan etmək qərarına gəlib", - Serbiya Nazirlər Kabinetinin bəyanatında qeyd olunub.
Serbiya Prezidenti (Bosniya və Herseqovina entiteti) Milorad Dodik özünün "X" hesabında faciə qurbanlarına başsağlığı verib. O, həmçinin 2 noyabr tarixini qurumun ərazisində matəm günü elan edib. Şəhərin meri Milan Curiç 2 noyabrdan başlayaraq şəhərdə üç günlük matəm elan edib.
Serbiyanın daxili işlər naziri İvitsa Daçiçin verdiyi məlumata görə, stansiya binasının beton talvarının uçması nəticəsində ölənlərin sayı 11-ə çatıb, daha əvvəl 8 nəfərin öldüyü bildirilirdi.
Qeyd olunur ki, Serbiyanın əhalisinə görə ikinci ən böyük şəhərinin stansiya binasında 50 metrlik beton konstruksiya gündüz saatlarında uçub. Talvarın uçmasının səbəbləri hələ müəyyən edilməyib.
Serbiyanın Novi Sad şəhərində dəmiryol vağzalının beton talvarının uçması nəticəsində səkkiz nəfər həlak olub, dörd nəfər yaralanıb.
Oxu.Az TASS-a istinadən xəbər verir ki, bu barədə Serbiyanın daxili işlər naziri İvitsa Daçiç məlumat verib.
"Dağıntılar altından səkkiz cəsəd çıxarılıb. İki yaralı xəstəxanaya yerləşdirilib, onlardan birinin vəziyyəti ağırdır. Biz hələ də dağıntılar altında sağ qalan iki nəfərlə əlaqə saxlayırıq", - Daçiç bildirib.
Nazirin sözlərinə görə, dağıntıların təmizlənməsi üçün 80-ə yaxın xilasedici cəlb edilib. Dağıntılar altında olan şəxslər arasında yetkin bir qadın və 14 yaşlı qız var.
Serbiyanın Novi Sad şəhərində dəmiryol stansiyalarından birində beton talvar insanların üzərinə uçub.
Oxu.Az xəbər verir ki, bu barədə "Radio-Televiziya Voivodine" məlumat yayıb.
Çardaq vağzal binasının giriş qapısının üstünə çöküb. Daha əvvəl mətbuatda onun yenidən qurulmasının nəzərdə tutulduğu barədə məlumatlar yayılsa da, yenidənqurma işləri baş tutmayıb. Təmirin Novi Sad - Subotitsa yüksəksürətli xəttinin tikintisi çərçivəsində aparılması planlaşdırılırdı.
Artıq sahəni təmizləmək üçün hadisə yerində ekskavatorlar işləyir. Hadisə yerinə şəhər meri Milan Curiç və Serbiyanın daxili işlər naziri İvitsa Daçiç gəliblər.
Yaralılar və ağır yaralılar Təcili Tibbi Yardım Mərkəzinə aparılır. Qeyd olunur ki, orada bir neçə dəqiqədən bir qurbanların sayı daim artmaqda davam edir. Hazırda beton blokların hamısı çıxarılmadığı üçün yaralıların dəqiq sayı məlum deyil.
Rəylər