Stiv Uitkoff: "HƏMAS Qəzzada uzun müddət qalsa, münaqişə heç vaxt bitməyəcək"

"Qəzza zolağında münaqişənin nizamlanmasına gedən yol HƏMAS hərəkatının silahsızlaşdırılmasından, real seçkilərin keçirilməsindən və İsrailə Qəzza ilə uzunmüddətli problemlərin olmayacağına zəmanət verə biləcək yeni təhlükəsizlik sisteminin yaradılmasından keçir".

Oxu.Az TASS-a istinadla xəbər verir ki, bunu ABŞ Prezidentinin Yaxın Şərq üzrə xüsusi nümayəndəsi Stiv Uitkoff jurnalist Taker Karlsona müsahibəsində deyib.

Onun sözlərinə görə, İsrailin Qəzzada hərbi əməliyyatları bərpa etməsinə səbəb HƏMAS-ın güzəştə getmək istəməməsi olub:

"Əgər İsrail hesab etsə ki, HƏMAS Qəzzada uzun müddətə qalacaq, o zaman bu münaqişə heç vaxt başa çatmayacaq".