"British Airways" aviaşirkətinin reyslərindən birində qeyri-adi insident yaşanıb. Uçuş zamanı ekipaj üzvləri bir stüardın itkin düşdüyünü müəyyən ediblər. Axtarış nəticəsində o, biznes-klassın tualetində tamamilə çılpaq və rəqs edən halda aşkar edilib.
Oxu.Az xəbər verir ki, bu barədə məlumatı "The Sun" qəzeti yayıb.
ABŞ-dən Böyük Britaniyaya uçan təyyarədə 470 sərnişin olub.
Ekipaj üzvləri dərhal vəziyyət müdaxilə ediblər. Stüarda pijama geyindirilib və o, oturacağa bağlanaraq nəzarət altına alınıb. Təyyarə Londondakı Hitrou hava limanına enəndən sonra o, polisə təhvil verilib.
Hazırda hadisə ilə bağlı araşdırma aparılır, stüard isə müvəqqəti olaraq işdən uzaqlaşdırılıb. İlkin ehtimala görə, o, narkotik maddə qəbul edibmiş və insident də məhz bu səbəbdən baş verib.
