"Microsoft" şirkətinin "Windows 11" əməliyyat sistemi kompüterlərin dayanmadan yenilənməsinə səbəb olub.
Oxu.Az xəbər verir ki,bu barədə " Neowin" nəşri məlumat yayıb.
İstifadəçilər bildirirlər ki, yeniləmə bir sıra problemlər yaradır və kompüterlər davamlı olaraq yenidən işə düşür.
Mütəxəssislər qeyd edirlər ki, naməlum bir səhv kompüterlərin 15 dəfədən çox ardıcıl qəfil yenidən işə düşməsinə yol açır.
Məlumatlara görə, bu problemlər bu həftə "Yanvar yeniləməsi"dən sonra geniş yayılıb.
"Microsoft" bəzi məsələləri həll etsə də, problemlərin bir qismi hələ də qalır.
