Böyük Britaniyanın xərçəngin müalicəsi zamanı nadir hallarda ictimaiyyət qarşısına çıxan şahzadəsi Keyt Middlton ən çox sevdiyi yay tədbirlərindən birinə - "Uimbldon" turnirinə qatılıb.
Oxu.Az "Express"ə istinadən xəbər verir ki, 42 yaşlı Keyt kişilər arasında təkbətək yarışın finalına doqquz yaşlı qızı Şahzadə Şarlotta və bacısı 40 yaşlı Pippa Middlton ilə gəlib. Bu, Keytin il ərzində ictimaiyyətə ikinci çıxışıdır.
Şahzadə Uilyamın arvadı kral lojasına daxil olan zaman turnir tamaşaçıları tərəfindən gurultulu alqışlarla qarşılanıb. Bundan təsirlənən Keyt gülümsəyib və Şarlotta ilə Pippanın yanında yerini tutmazdan əvvəl orada olanlara əl yelləyib.
Rəylər