Yaponiyada hərbi təyyarə qəzaya uğradı

Yaponiya özünümüdafiə qüvvələrinə məxsus təlim təyyarəsi Aiçi prefekturasının İnuyama şəhəri yaxınlığında qəzaya uğrayıb.

Oxu.Az-ın xəbərinə görə, bu barədə NHK telekanalı məlumat verib.

Müdafiə Nazirliyindəki mənbələrin məlumatına görə, təyyarə radarlardan itib. Öz növbəsində yerli yanğınsöndürmə xidməti qeyd edib ki, yerli vaxtla təxminən saat 15:00-da (Bakı vaxtı ilə 10:00) onlara təyyarənin nohura düşmüş ola biləcəyi ilə bağlı məlumat daxil olub.

İlkin məlumata görə, təyyarədə iki nəfər olub.