Ağdaşda yaşadığı evin hamam otağında su qızdırıcısının partlaması nəticəsində ağır xəsarət alan 78 yaşlı Zakir Rəsulovun həyatını itirməsi ilə bağlı rəsmi açıqlama verilib.
Oxu.Az-ın sorğusuna cavab olaraq Ağdaş Rayon Mərkəzi Xəstəxanasından bildirilib ki, martın 9-da saat 00:40-da bir nəfər (kişi cinsli) Xəstəxananın Təcili tibbi yardım şöbəsinə hospitalizasiya olunub.
"1948-ci il təvəllüdlü şəxsə yanıq şoku, bədən səthinin 90% və daha çox səthinin termiki yanığı diaqnozları təyin olunub və zəruri tibbi yardım göstərilib.
Vəziyyəti ağır qiymətləndirilən şəxsin müalicəsi Reanimasiya şöbəsində davam etdirilib.
Göstərilən bütün reanimasiya tədbirlərə və həkimlərin çoxsaylı səylərinə baxmayaraq, saat 05:20-də şəxsin bioloji ölüm faktı qeydə alınıb.
Meyit təşrih olunması üçün Məhkəmə-Tibbi Ekspertiza və Patoloji Anatomiya Birliyinin Ağdaş rayon şöbəsinə təhvil verilib", - deyə məlumatda bildirilib.
Əzizə İsmayılova
Ağdaşda bədbəxt hadisə baş verib.
Oxu.Az-ın məlumatına görə, yaşadığı evin hamam otağında su qızdırıcı partlayıb və qaynar su şəhər sakini 78 yaşlı Zakir Rəsulovun üzərinə dağılıb.
Xəstəxanaya çatdırılan Z.Rəsulov tibbi müdaxilələrə baxmayaraq ölüb.
Aqil Vəlili
