Daşkəsən rayonunda yol-nəqliyyat hadisəsi baş verib.
Oxu.Az-ın məlumatına görə, hadisə Daşkəsən rayonunun girişində qeydə alınıb. "Mercedes" markalı yük avtomobili idarəetməni itirərək yolun kənarına aşıb.
Hadisə yerinə təcili tibbi yardım briqadası cəlb edilib, sürücü Daşkəsən Rayon Mərkəzi Xəstəxanasına hospitalizasiya edilib. Xəstəxanada sürücüyə ilkin tibbi yardım göstəriləndən sonra evə buraxılıb.
Faktla bağlı araşdırma aparılır.
Samir Əli
