Qobustanda çayın daşması vətəndaşlara ciddi ziyan vurdu - Körpü qəzalı vəziyyətə düşüb

Leysandan sonra gələn sel Pirsaat çayında sululuğu artırıb. Nəticədə güclü daşqınlar qeydə alınıb.

Qobustan rayonunun Poladlı kəndini rayon mərkəzi ilə birləşdirən əsas körpü qəzalı vəziyyətə düşüb, buna görə də kəndlə rayon mərkəzi arasında nəqliyyat əlaqəsi məhdudlaşıb.

Kənd sakinlərinin sözlərinə görə, ötən il də sel səbəbindən körpü zədələnmişdi. İndi isə onlar əvvəlkindən daha ağır vəziyyətlə üz-üzədirlər.

"Bağ-bağçamızı sel aparıb. Fəlakətdən sonra 2 min manata yaxın ziyan dəyib. Uşaqlarımız məktəbə gedib-gələ bilmirlər", - deyə sakinlərdən biri narazılığını ifadə edib.

Ətraflı Baku TV-nin süjetində:

Qobustanda çayın daşması vətəndaşlara ciddi ziyan vurdu - Körpü qəzalı vəziyyətə düşüb