Bu günlərdə paytaxtımız Bakının rəsmi şəkildə 2015 və ya 2016-cı ildə Formula-1 yarışlarının təqviminə daxil olduğu məlum olub.
“Biz Azərbaycana gedirik” – F-1 rəhbəri Berni Ekklstoun “Tha Daily Mail” nəşrinə verdiyi müsahibədə deyib.
“Yarışlar 2015-ci ildə keçiriləcək. Prinsipcə bu mövsümün sonuna mümkündür. Amma 2016-cı ildə bu daha dəqiq ola bilər”.
Bakı motoyarışların keçirilməsində səriştəsiz sayılmaz, - 2013-cü ilin noyabr ayında şəhər FİA GT qəbul edib.
Oxu.Az dünya KİV-nə istinadən bildirir ki, həmin yarışların həm qonaqlarının, həm də iştirakçılarının bir sıra narazılıqları oldu, bu çatışmazlıqları növbəti yarışların keçirilməsi zamanı nəzərə almaq lazımdır. Məsələn, xarici KİV xəbər verirlər ki, azərbaycanlılar öz şəhərlərini yaxşı tərəfdən göstərmək üçün, yarışlardan bir gün qabaq yolları sabunla yumaq kimi qeyri-adi qərara gəliblər.
“Formula-1 saytında dərc edilmiş məlumata görə, məmurlar yolları yumaq əmrini verdiklərinə görə yarış iştirakçıları səhər gəldiklərində treki yaş gördüklərində təhlükəsizlik baxımından startı təxirə salmalı olublar.
Motosport və ya sadəcə avtomobil həvəskarı üçün yarışdan qabaq yolları sabunla yumaq heyrətləndirici haldır. Amma yarış birinci dəfə keçirildiyi üçün və yaxşı təəssürat bağışlamaq üçün edilən bu hərəkət çox ciddi səhvdir və bu yanlışa bir dəfə yol vermək olar.
Ümid edirik ki, Formula-1 yarışının qarşıdakı Qran-Pri mərhələsində belə səhv olmayacaq. Amma yenə də bir sıra digər problemlər var, xüsusilə də təhlükəsizlik məsələləri və bütün trass boyu baryerlərin qurulması məsələsini tez bir zamanda həll etmək lazımdır.
Bu, o demək deyil ki, Formula-1 Bakıda keçirilməməlidir. Azərbaycan zəngin mədəniyyəti olan neft ölkəsidir, bu yaxınlarda isə ölkə özünü bahalı avtomobillər bazarında uğurla təqdim etdi. GT seriyalı yarış finalı böyük kütlənin yığılması ilə baş tutdu və təşkilatçılar motoyarışların Azərbaycanda populyarlaşması üçün çox şey ediblər. Bakı Formula-1 yarışlarının təqvimi üçün əla əlavə ola ilər. Amma, yarışların normal keçməsi üçün buraxılmış səhvləri nəzərə almaq lazımdır, axı Formula-1 yarışları, GT yarışlarından daha çox diqqət cəlb edir”, - deyə, xarici mətbuat yazır.
