Myanmalı Coşua Van Los-Ancelesdə (Kaliforniya ştatı) keçirilən Mütləq Döyüş Çempionatının (UFC) turnirində braziliyalı Aleksandr Pantojanı məğlub edərək təşkilatın ən yüngül çəki dərəcəsində çempionluq kəmərini qoruyub.
Oxu.Az TASS-a istinadən xəbər verir ki, döyüş Vanın hakimlərin yekdil qərarı ilə qazandığı qələbə ilə başa çatıb.
24 yaşlı Van 2025-ci il dekabrın 7-də Pantojanı məğlub edərək UFC çempionu titulunu qazanıb və XXI əsrdə doğulmuş ilk UFC çempionu olub. Mayın 9-da Van yaponiyalı Tatsuro Tairanı məğlub edərək titulunu qoruyub. Myanmalı idmançının hesabında qarışıq döyüş növlərində 18 qələbə (9-u nokautla) və 2 məğlubiyyət var.
Pantojanın 36 yaşı var. Onun hesabında 30 qələbə (8-i nokautla) və 7 məğlubiyyət var. O, 2023-cü ilin iyulundan 2025-ci ilin dekabrına qədər UFC kəmərinin sahibi olub.
