"Real Madrid"in baş məşqçisi Joze Mourinyo yarımmüdafiəçi Rodrinin reallaşmayan transferinə aydınlıq gətirib.
Oxu.Az arenora.ru nəşrinə istinadən xəbər verir ki, portuqaliyalı mütəxəssisin sözlərinə görə, komandada şübhə içində olan futbolçulara yer yoxdur.
O, oyunçunun möhtəşəm olduğunu qeyd etsə də, bu transferin baş tutmamasına görə təəssüflənmir, çünki klub əla heyət formalaşdırıb:
"Əgər futbolçuya "Real Madrid"dən zəng edirlərsə, onun cavabı yalnız "nə vaxt gəlməliyəm?" olmalıdır. Belə miqyaslı bir klub ikili düşüncələrə dözüm göstərmir".
Mourinyo Rodrinin özünü çox nəzakətli apardığını və onun haqqında heç bir mənfi söz deyə bilməyəcəyini vurğulayıb. Lakin yarımmüdafiəçinin tərəddüdləri məşqçinin öz qərarına da təsir edib:
"Onun şübhələri var idi. O, tərəddüd edirdi. Rodrinin malik olduğu şübhələr məndə də şübhələr yaratdı".
O əlavə edib ki, "Real Madrid" Rodriyə çox yaxşı təklif irəli sürmüşdü, lakin yekunda klub hazırkı heyətindən tam razıdır və rəhbərlikdə heç bir peşmanlıq yoxdur.
Qeyd edək ki, "Barselona" "Mançester Siti"nin yarımmüdafiəçisi Rodri ilə müqavilə imzalayıb. Müqavilə 2030-cu il iyunun 30-dək nəzərdə tutulub.
