Türkiyəli motosikletçi Toprak Razqatlıoğlu "MotoGP" İndoneziya Qran-prisinin ikinci sərbəst yürüşündə qəza keçirib. Motosikletindən yıxılaraq sağ çiyni üstə düşən idmançı yerindən çıxan çiynini özü yerinə salıb.
Oxu.Az xəbər verir ki, hadisənin görüntüləri MotoGP-nin rəsmi hesabında paylaşılıb.
"Prima Pramac Yamaha" komandasının üzvü olan Razqatlıoğlu xəsarət aldıqdan sonra İndoneziya Qran-prisinin sprint yarışında iştirak edib və finişə 19-cu çatıb. Yarışın qalibi "Ducati Lenovo" komandasının ispaniyalı pilotu Mark Markes olub. O, məsafəni 19 dəqiqə 37.125 saniyəyə qət edib.
Qeyd edək ki, İndoneziya Qran-prisinin əsas yarışı oktyabrın 11-də keçiriləcək.
Qaynar xətt:
(055) 224 12 12
