UFC-nin ağır çəki dərəcəsində müvəqqəti çempionu olan fransız döyüşçü Siril Qan yeni bir döyüş keçirmədən tamhüquqlu kəmər sahibi statusunu əldə edə bilməyəcək.
Oxu.Az matchtv.ru-ya istinadən xəbər verir ki, bu barədə UFC rəhbəri Dana Uayt açıqlama verib. Bazar ertəsi britaniyalı Tom Aspinell ağır çəki dərəcəsindəki titulunu vakant buraxdığını elan edib.
"Aspinelin nə vaxt qayıdacağını bilmirəm. O, özünü sağlam hiss etdikdə və gözləri sağaldıqda, biz hazır olacağıq. Bu, Qanı mübahisəsiz çempion edirmi? Xeyr, o döyüşməlidir. Bu çox yaxında baş verəcək. Bənzər vəziyyət əvvəllər də yaşanıb", - deyə Uayt jurnalist Diana Belbitseyə müsahibəsində bildirib.
Qeyd edək ki, ötən ilin oktyabrında fransızın rəqibinin gözünə barmaqla vurması səbəbindən britaniyalı ilə Qan arasındakı döyüş baş tutmamış hesab edilmişdi. Həmin qarşılaşmadan sonra Aspinell oktaqona çıxmayıb və bərpa prosesini davam etdirir. Yayda isə Qan braziliyalı Aleks Pereyraya qalib gələrək müvəqqəti titula sahib çıxıb.
Qarışıq döyüş sənətlərində 36 yaşlı Qan 14 qələbə qazanıb, iki dəfə məğlub olub. Onun Aspinell ilə döyüşü isə baş tutmamış sayılır.
