Azərbaycanla Qazaxıstan 50 milyon dollarlıq layihəyə başlayacaqlar

Azərbaycan və Qazaxıstan arasında Xəzər dənizinin dibi ilə magistral fiber-optik kabel xəttinin çəkilməsinə 50 milyon dollardan çox vəsait xərclənəcək.

Bu barədə Qazaxıstanın rəqəmsal inkişaf, innovasiyalar və aerokosmik sənaye naziri Jaslan Madiyev məlumat verib.

O qeyd edib ki, layihəni Qazaxıstan və Azərbaycanın telekommunikasiya operatorları birgə həyata keçirəcəklər.

Məlumat üçün əlavə edək ki, Xəzər dənizinin dibi ilə Transxəzər fiber-optik kabel xətti layihəsi Avropa və Asiya arasında rəqəmsal telekommunikasiya dəhlizinin yaradılmasını nəzərdə tutan Rəqəmsal İpək Yolu layihəsinin bir hissəsidir.

Mənbə: Sputnik Qazaxıstan