Avqustun 12-də respublikanın bir neçə rayonunun təbii qaz təchizatında məhdudiyyətlər olacaq.
Oxu.Az AzərTAc-a istinadən xəbər verir ki, “Azəriqaz” İstehsalat Birliyinin mətbuat xidmətindən verilən məlumata görə, qaz nəqli sistemində payız-qış mövsümünə hazırlıq məqsədi daşıyan təmir işləri ilə əlaqədar iki gün müddətində Yardımlı rayonuna, eləcə də Lerik rayonunun bir hissəsinə, Qazax-Qazıməmməd magistral qaz kəmərində aparılan təmir işləri başa çatanadək Ağstafa rayonu və Tovuz rayonunun, bu gün saat 16-dək isə Goranboy şəhərinin bir hissəsinə təbii qazın verilməsində fasilələr yaranacaq.
