Baku TV-nin "Qapqara" verilişinin yeni buraxılışının qonağı dizayner və bloqer Aynur Xəlilova olub.
O, müəllifi olduğu "Hərşeyşünas" podkastının xarakterinə təsirindən danışıb:
"Qonaqlarımdan hər dəfə nəsə öyrənirəm. Çəkilişdə özümü rinqdəki kimi hiss edirəm.
"Hərşeyşünas" məni qəddarlaşdırdı. İstədiyimi alana qədər qonaqlara tələ qurur, manipulyasiya edirəm. Bu, işimizin bir hissəsidir. Gözəlliyinin və xarizmasının fərqində olan, bunlardan alət kimi istifadə edən qadın təhlükəlidir, mən də beləyəm".
Aynur Xəlilova həmçinin insan xarakterinə və mühitin ona təsirinə dair fikirlərini bölüşüb:
"Hər birimizin içində xəyanətkar və cinayətkar potensialı var. Həyatın mənə yaxşı davranması başqasını mühakimə etmək haqqı vermir. Atasız və ya çətinliklə böyüyən birini seçimlərinə görə qınaya bilmərəm. İnsan bir dəfə səhv edə bilər, amma bunun təkrarı artıq xarakter xətası və şüurlu seçimdir".
