Lindemannın azərbaycanlı prodüseri Rusiya qanunlarının pozulmasında ittiham olunur

Rusiyada polis miqrasiya rejimini pozmaqda ittiham olunan azərbaycanlı prodüser Anar Raibandı saxlayıb.

O Rusiyadan deportasiya edilə bilər, çünki ölkəyə turist kimi gəlib, amma təşkilati fəaliyyətlə məşğul olub.

Qeyd edək ki, Anar Raiband “Rammstein” alman rok-qrupunun solisti Till Lindemannın prodüseridir. Rusiyada hüquq-mühafizə orqanlarının nümayəndələri Lindemanna koronavirus səbəbiylə kütləvi tədbirlərə qoyulan məhdudiyyətlərə riayət edilməsinin vacibliyi barədə xəbərdarlıq ediblər.

Anar Raiband barəsində Rusiya Federasiyasının İnzibati Xətalar Məcəlləsinin 18.8-ci maddəsinin 2-ci hissəsinin pozulması ilə bağlı protokol tərtib edilib.

Mənbə: “İnterfax”