Aktyor Atilla Saral 35 illik karyerasından sonra radikal qərar verib. Uzun müddətdir İstanbulda yaşadığı lüks villasını və cipini sataraq “Hər şeyə sıfırdan başlayıram. Şöhrətli həyatı geridə qoyuram” deyib.
Oxu.Az Türkiyə mətbuatına istiandla xəbər verir ki, o, 20 kvadrat metrlik konteynerdə yaşamağa başlayıb.
Aktyor bir daha İstanbula dönməyəcəyini bildirib.
A.Saralın 7 illik sevgilisi, aktrisa İnci Türkay yeni həyatları və münasibətləri barəsində bunları söyləyib:
“Onunla öyünürəm. 53 yaşında hər şeyə sıfırdan başladı. Atilla burada təbiət və heyvanlarla çox xoşbəxtdir. Toyuqlar, xoruzlar, bostanımız - hər şey gözəldir. Suyumuz quyudan gəlir. İsti su yoxdur. Dənizdə çimirik”.
A.S.
www.oxu.az
