"Dünən Azərbaycanda idik. Şuşada duyğulandıran mənzərənin şahidi olduq. İlham Əliyev qardaşımın liderliyi ilə Qarabağda yenidənqurma və dirçəliş səfərbərliyi həyata keçirilir".
Oxu.Az "Milliyet" qəzetinə istinadən xəbər verir ki, bunu Türkiyə Prezidenti Rəcəb Tayyib Ərdoğan Nazirlər Kabinetinin iclasından sonra xalqa müraciətində deyib.
"Demək olar ki, hər yerdə yollar, binalar, yeraltı keçidlər, ibadət evləri və yaşayış evləri sürətlə inşa olunur. Qarabağın dörd bir yanında sülh və əmin-amanlıq küləkləri əsir.
Biz də "İki dövlət, bir millət" prinsipi ilə azərbaycanlı qardaşlarımıza hər cür dəstək veririk. Qarabağın azadlığı uğrunda şəhid olan qəhrəmanlarımızı rəhmətlə yad edirəm", - deyə Türkiyə lideri vurğulayıb.
Qaynar xətt:
(055) 224 12 12
