Marin Le Pen 48 saat ərzində Fransa hökumətini devirə bilər

Fransa parlamentində "Milli Birlik" partiyası fraksiyasının rəhbəri Marin Le Pen 48 saat ərzində Fransa hökumətini devirə bilər.

Oxu.Az bu barədə "Politico"ya istinadən xəbər verir.

Məlumata görə, Fransa Baş naziri Mişel Barnyenin hakimiyyətdə qalmaq üçün son şansı var. Bunun üçün o, Le Penin "Milli Birlik" partiyasının 2025-ci il üçün dövlət büdcəsi layihəsi ilə bağlı tələblərini yerinə yetirməlidir.

Əgər Barnye müxalifətin tələblərini yerinə yetirməkdən imtina edərsə, hökumətin istefası təklifini "Yeni Xalq Cəbhəsi" partiyası irəli sürəcək və öz növbəsində Le Penin partiyası bunu dəstəkləyəcək.