28 
Mar
2020
10:28
123
49
9163
Virtual karabakh

Karantində olan Azərbaycan idmançıları - ARAŞDIRMA + VİDEO

Hazırda Azərbaycanda üç minə yaxın insan koronavirusla bağlı karantində saxlanılır. Bunların arasında peşəkar idmançılar da var.

Oxu.Az mövzu ilə əlaqədar araşdırma aparıb. Məlum olub ki, hazırda dörd idmançı karantindədir.

Onlar hotellərin birində yerləşdiriliblər. Karantində olanlardan biri pauerliftinq millimizin üzvü Hafiz Verdiyevdir.

Pauerliftinq üzrə dünya çempionumuz şəxsi işi ilə bağlı getdiyi Belarusun paytaxtı Minskdən martın 21-də qayıdarkən karantinə alınıb. 2017-ci ildə ölkə başçısı tərəfindən mənzillə, bu ayın əvvəlində isə Gənclər və İdman Nazirliyi tərəfindən Respublika dərəcəli hakim adı ilə təltif olunmuş Hafiz Verdiyev, böyük ehtimalla, aprelin 3-də evinə buraxılacaq.

Karantində olan digər idmançılarımız isə Azərbaycan Qocu-Ru Okinava Karate-Do və Kobudo Növləri Federasiyasının idmançılarıdır. Bunlar Yusif Əhmədov, Məhəmməd Allahverdiyev, Müşviq Həzili, Ramin Kazımov, Tural Quliyev və Şəms Əhmədovadır. Həmin federasiyanın prezidenti, yeniyetmə, gənclər və kişilər arasında komandaların baş məşqçisi Tarverdi Allahverdiyev də onların arasında olub. 

Onlar Macarıstanın paytaxtı Budapeştdə keçirilmiş yarışda iştirak ediblər. Martın 19-u səhər xüsusi reyslə Bakıya qayıdıblar və Hafiz Verdiyevin də qaldığı hoteldə karantinə alınıblar. Artıq federasiya prezidenti və üç idmançı buraxılıb. Karantin müddətində digər üç idmançıda koronavirusun simptomları üzə çıxmazsa, tezliklə onlar da evə buraxılacaqlar.

 

Səbuhi Musayev

Bizimlə əlaqə saxlayın

Digər Cəmiyyət xəbərləri