:1200.jpg)
“Türkiyədən gələn həkimlər 14 həftə ərzində 16 xəstəxanada çalışacaqlar”.
Oxu.Az-ın məlumatına görə, bunu Ümumdünya Səhiyyə Təşkilatının təşəbbüsü, Heydər Əliyev Fondu, İcbari Tibbi Sığorta üzrə Dövlət Agentliyi, Tibbi Ərazi Bölmələrini İdarəetmə Birliyinin (TƏBİB) və Səhiyyə Nazirliyinin dəstəyi ilə Azərbaycanın regionlarındakı xəstəxanalarda COVID-19-a qarşı mübarizə tədbirləri ilə əlaqədar əsas bacarıqları gücləndirmək üçün REACT-C19 layihəsi ilə bağlı keçirilən tədbirdə layihənin sahə koordinatoru Hamze Zeytunoğlu bildirib.
Onu sözlərinə görə, həkimlər sabahdan etibarən Bakıda dörd xəstəxanada işə başlayacaq:
“Sonra rayonlardakı xəstəxanalarda çalışacaqlar. Məqsədimiz hər bir xəstəxanada Azərbaycanda çalışan həkimlərlə qrup halında işləməkdir. 14 həftəlik müddətin sonunda biz buradan getsək belə, onlarla əməkdaşlıq etməyə davam edəcəyik”.
İlhamə Əbülfət
