Apr
2020
18:50
113
130
5923
Virtual karabakh

UEFA iki Avropa çempionatını ləğv etdi - YENİLƏNİB + VİDEO

UEFA rəsmən bu gün çıxardığı qərarları açıqlayıb.

Oxu.Az xəbər verir ki, həmin qərarlar bunlardır:

* Kişi və qadınlardan ibarət bütün milli komandaların iyuna planlaşdırılmış oyunları qeyri-müəyyən müddətə təxirə salınır. Bura AVRO-2020-nin (kişilər) pley-off və AVRO-2021-in (qadınlar) seçmə matçları da daxildir.

* Beynəlxalq yoldaşlıq oyunları da daxil olmaqla bütün UEFA yarışları qeyri-müəyyən müddətə təxirə salınmış olaraq qalır.

* U-17 Avropa çempionatının (may), U-19 qadınların Avropa çempionatının (iyul) final mərhələləri ləğv olunur. U-17 qadınların Avropa çempionatının (may), U-19 Avropa çempionatının (iyul) final mərhələləri qeyri-müəyyən müddətə təxirə salınır.   

* Futzal üzrə Çempionlar Liqasının final mərhələsi (aprel) qeyri-müəyyən müddətə təxirə salınır.

* Növbəti – 2020/21 avrokubok mövsümünün son "deadline" tarixi oyunçuların qəbul prosesi və qeydiyyatı nəzərə alınmaqla qeyri-müəyyən müddətə təxirə salınır. UEFA daha sonra yeni müddəti müəyyənləşdirəcək.

Həmçinin UEFA klub yarışlarına qəbul üçün milli assosiasiyalara lisenziyalaşdırma prosesini başa çatdırmaq üçün daha çox vaxt verəcək.

Fövqəladə hadisələr nəticəsində yaranan qeyri-müəyyənlik nəticəsində UEFA İcraiyyə Komitəsi klubların gələcək maliyyə hesabatlarının hazırlanması və qiymətləndirilməsi ilə əlaqəli klub lisenziyası normalarının dayandırılmasına qərar verib. Bu qərar yalnız 2020/21 UEFA-nın klub yarışlarında iştirak üçün tətbiq olunacaq.

Səbuhi Musayev

17:53

2021-ci ilə təxirə salınmış “AVRO-2020”nin son iştirakçılarını müəyyən edəcək Millətlər Liqasının pley-off oyunlarının tarixləri dəyişdirilib.

Oxu.Az xəbər verir ki, UEFA-nın quruma üzv olan 55 milli assosiasiyasının baş katibləri ilə bugünkü videokonfransında yığmaların pley-off mərhələsindəki qarşılaşmalarının yeni vaxtı müəyyənləşib.

Bu görüşlər sentyabra təyin olunub. Yarımfinal görüşləri sentyabrın 3-də, finallar isə həmin ayın 8-də keçiriləcək.

Pley-off oyunları
A liqası

İslandiya – Rumıniya
Bolqarıstan – Macarıstan

B liqası
Bosniya və Herseqovina – Şimali İrlandiya 
Slovakiya – İrlandiya

C liqası
Şotlandiya – İsrail
Norveç – Serbiya

D liqası
Gürcüstan – Belarus
Şimali Makedoniya – Kosovo

Qeyd edək ki, pley-off oyunları daha əvvəl 26-31 mart tarixlərində keçirilməli idi. Daha sonra UEFA bu görüşləri koronavirusa görə, iyuna salmışdı. Lakin iyunda bütün yığmaların oyunları ləğv edilib. Buna səbəb həmin tarixlərdə milli çempionatların oyunlarının keçirilməsidir.

 

Bizimlə əlaqə saxlayın

Digər İdman xəbərləri