İrana qoyulan embarqo ləğv olundu

BMT tərəfindən 2007-ci ildən İrana silah-sursatın idxal və ixracına qoyulan embarqo bu gün ləğv edilir.

Bu barədə İranın Xarici İşlər naziri Cavad Zərif “Twitter” hesabında yazıb.

“Beynəlxalq ictimaiyyət ABŞ-ın səylərinə baxmayaraq, BMT Təhlükəsizlik Şurasının 2231 saylı qətnaməsini müdafiə etdi”, - deyə o qeyd edib.

Onun sözlərinə görə, bu qətnamədə İranın nüvə silahı yaratmaq və ya əldə etmək cəhdlərindən imtina etdiyi Birgə Hərtərəfli Fəaliyyət Planının qəbul edildiyi bildirilir.

İran bundan sonra qanuni olaraq silah ala və sata biləcək.