ABŞ sərhədində təhlükə: Minlərlə miqrant axını başladı

Hondurasdan gələn miqrant karvanı yeni prezidentin andiçmə mərasimindən sonra sərhədə çatmaq üçün ABŞ-a axışır.

Vesti.ru xəbər verir ki, onların sayı 3000 nəfərdən bir az artıqdır, lakin proqnozlara görə bir neçə dəfə artacağı istisna edilmir.

Karvanın Qvatemala istiqamətində hərəkət etdiyi bildirilir.

Yerli hakimiyyət miqrantların gəlişindən sonra ölkədə təhlükəsizlik və pandemiya vəziyyətinin pisləşəcəyindən qorxurlar. Qvatemalaya gəlmək istəyən hər kəs 15 günlük karantinə alınacaq.

Sərhəddəki hüquq-mühafizə orqanlarının əməkdaşlarına miqrantları dağıtmaq üçün güc tətbiq etməyə icazə verilib.