Türkiyənin qadınlardan ibarət voleybol milli komandası 2026-cı il Avropa çempionatının finalında İtaliyanı məğlub edərək ardıcıl ikinci dəfə Avropa çempionu olub.
Oxu.Az xəbər verir ki, İstanbulda keçirilən final qarşılaşmasında Türkiyə millisi 3:2 hesabı ilə qalib gəlib.
İlk setdə İtaliya 25:16 hesabı ilə üstün olsa da, Türkiyə ikinci setdə 25:22 hesabı ilə oyuna bərabərlik gətirib. Üçüncü setdə 25:12 hesabı ilə İtaliya, dördüncü setdə 25:21 hesabı Türkiyə milliləri üstün olublar.
Oyunun taleyinə beşinci, həlledici setdə aydınlıq gəlib. Türkiyə bu setdə 15:10 hesabı ilə qalib gələrək görüşü 3:2 hesabı ilə başa vurub və Avropa çempionu titulunu qoruyub.
Qeyd edək ki, Türkiyənin qadınlardan ibarət voleybol milli komandası 2023-cü ildə Avropa çempionu olmuşdu.
