Baku TV-nin "O vaxtlar" verilişinin budəfəki qəhrəmanı Bakı sakini İlhamə Fərzəlibəyova olub.
O, gəlin-qayınana münasibətlərindən söz açıb: "Ailədə gəlin də, qayınana da öz yerini bilsə, hər şey yaxşı olar. Bəzən qayınanalar hegemon olmaq istəyirlər, bu isə yanlış davranışdır. Bəzi analar oğullarını bölüşmək istəmirlər. Amma oğul bəlli bir yaşa qədər ananın olur. Övlad ailə qurandan sonra valideynin onlara qarışması doğru deyil. Arada pərdəni saxlamaq lazımdır".
İlhamə Fərzəlibəyova həmçinin o dövrün və günümüzün televiziya proqramlarından bəhs edib. "O vaxtlar kanallar az olsa da, səviyyəli proqramlar var idi. İndi isə efirlərdə bayağılıq baş alıb gedir. Hazırda bəsit musiqilər də çoxdur. Müğənnilərimizin xarici görünüşləri eybəcərləşib. "TikTok"da da bayağı kontentlər çoxdur. Sosial medianın yaxşı tərəfləri olsa da, təəssüf ki, gənclərimiz ondan pis yöndə istifadə edirlər", - deyə o əlavə edib.
Daha ətraflı Baku TV-nin videomaterialında:
